قصيدة الشاعر علي الفريداوي في بقايا دموعنا كلش حلووووة

كلمات قصيده((بقايا دموعنا)) للمبدع علي الفريداوي
--------------------------------------------------------------------------------

اودي ذكرياتج وين وانسى شون حب سنين ؟؟
واروح ليا مكان وماشوفج بيه ؟ وانتي بكل مكان كبالي عين بعين

تعالي اخذي بقايا دموعنه ولمي هدايانه وصورنه وذكريات ايامنه واخذي بقايانه
تعالي اخذي حزنه وكل جرح فد يوم بجانه

وتعالي اخذي عطر شعرج اللي باقي لهسه بأحضاني
وشكو كلمة بقت منج على لساني

وتعالي اخذي اختيار الذوق من جنتي تختارين ساعاتي وعطوري وحتى قمصاني
وكت ياللي بيدي انا مربيج هسه بحسرة اشوفج وكتي خلاني

تعالي وخلي اشوفج وين جويات الزمن من بيده جواني
وتعالي اخذي شكو اغنية نحبها من "شكول عليك " ونزليلي ل"جرح ثاني "

رسايلنه القديمة لهسه اقراها واذكر بالضبط يمتى كتبناها
واحس حروفها تبجي بدموع فراك واكابل رسايلنه وابجي وياها

سؤال بداخلي جارحني صار هواي ادور ماكو جمله كباله الكاها
هم مثلي انتي تتذكرين ذيج ايامانا الحلوة الكضيناها

وهم تذوب هاي دموع عينج من يصير غروب
هم مثلي يسالونج عليا الناس ويكلولج كبل وياج اكو محبوب

شتكوليلهم بالله عليا اني بقى بروحي جرح مكتوب لو كلتيلهم غيره شفت ثاني
وهم مرات بأسمي بالحجي تغلطين هوايه اغلط لو حجيت اني

احجيلي اريد اعرف شنو الموضوع نفس احساسنا لو نحس بالمكلوب
واريد اعرف خلص تبنا وبعد ماكو عشك عدنا لو هسه بدينا نتوب

وهم تذوب هاي دموع عينج من يصير غروب هم تذوب ؟؟
:

███████████
☆ الله ☆ اكبر ☆
███████████
.....(¯`v´¯)
..... •.¸.•´
...¸.•´
.. (
☻/
/▌